Ka whakamānawatia e People + Place te hononga waiwai i waenga i ngā tāngata, i ngā hapori, i ngā wāhi e noho nei, e mahi nei, e piri tahi nei tātou; i te ao matihiko haere.

Kei tōna iho, e hāngai ana te hoahoa ki te tangata: ki ōna kare ā-roto, ki ōna hiahia, ki te āhua o tō tātou mārama ki ngā taiao e auaha mai i a tātou. Mai i ngā pūnaha mātauranga taketake ki ngā tikanga mahi hou, e tukua ana e te tuakiri hoahoa ahurei o Aotearoa te arotahi kaha hei waihanga i ngā anamata kauawhi, he toitū, e arotahi ana ki te tangata hoki.

E tonoa ana te katoa e ADW 2026 – mai i ngā ringa auaha ki te hunga e pākiki mai ana ki te auaha – ki te tūhura i tā te hoahoa whakatipu i te hononga ā-pāpori, whakakā i te kōrerorero, waihanga i te wairua hōhonu ake o te whai wāhi mai, i te rohe tonu, i te ao whānui anō hoki.

Ahakoa mā te toi tūmatanui ka whakakā nei i te huritao, mā ngā wheako matihiko ka whakaarotau i te ngākau aroha, mā te pūeru, mā ngā mea rānei e whakapuaki nei i ngā kōrero ā-ahurea, kei te hoahoa te āheinga ki te whakapakari i ngā taura here o te hapori, i te mārama ngātahitanga.< E wero nei a People + Place i ngā ringa auaha ki te hoahoa i runga i te aronga - me te whakaaro ake ki te toitū, ki te kanorau, ki ngā āhuatanga i motuhake ai tātou hei whenua. Mā te kauawhi i te mātai rerehua ā-roro, i te hoahoa ihumanea, i ngā tirohanga o ngā iwi taketake, ka taea te waihanga nei i ngā taiao, i ngā wheako e whakatipuria nei te hononga, e whakaaturia nei tō tātou tuakiri, e whakaohoohongia nei te mahi kiritōpū. Kia hoahoa tahi tātou mō Ō TĀTOU People + Place me te whakarite nei kia whanake haere te hangarau, te pāpori hoki, ka noho tonu ngā aka o te hoahoa ki te ngākau aroha, ki te ahurea, ki te hapori anō hoki.